تحضير العجينة نطلع البيض مع السكر وقرصة ملح مليح حتى يصبح لونو أبيض ضيفي الفرينة مغربلة مع فاني خلطي كلش حتى يتجانسو

طلعي كرام فراش بالباتور حتى تصبح كي الشونتي وحدها دون إضافات ومن بعد زيديها للعجين بالتدريج وخلطي مالفوق للتحت بالعقل حتى يتجانسو

فرغيها في مول قطره16سم مفرش بورق الزبدة وعلى الجوانب ودهنيه بالزبدة ودخليها طيب في فرن مسخن مسبقاً على درجة الحرارة 160 ساعة كاملة بلا ماتفتحي عليه كي طفي خليه حوالي عشرة دقاىق وخرجيه خليها تبات أو 6ساعات على الاقل وقطعيها دوائر

نحضرو الحشو بياض البيض مع رشة ملح و160غ سكر فوق حمام مائي حتى يذوب السكر طلعيه مورانغ بالبيتران وزيديلو 250غ زبدة بالتدريج حتى يصبح كريمة

نحضرو قاناش 100غ كريمة سخونة ضيفيلها 100غ شوكولا وخلطي حتى تذوب مع م صغيرة زبدة غطيها بالفيلم الغذائي يلامسها وحطيها تبرد مليح في المجمد

تبداي المونتاج كل طبقة شربيها بالسيرو وحطي كريمة الزبدة على الجناب وفي النص قاناش اوشوكولا وهكا حتى تكملي الطبقات غلفيها طبقة خفيفة بكريمة الزبدة وحطيها تبرد مليح في المجمد مدة 2ساعة عاوديلها الكوش الثانية ودخليها المجمد تبرد مليح حتى تيبس